Հինգշաբթի երեկոյան Քյոլնում իրար են բախվել 2 քաղաքային էլեկտրագնացքներ, ինչի հետեւանքով տուժել է 43 մարդ, հայտնում է Bild տաբլոիդը:
Ոստիկանության տվյալներով՝ 15 տուժած բուժօգնության կարիք է ունեցել: Ուրբաթ առավոտվա դրությամբ՝ նրանցից մեկը դեռեւս հիվանդանոցում է: Սպասվում է, որ տուժածների թիվը, հնարավոր է, աճի:
Իրավապահները հաստատել են, որ մեքենավարներից մեկը հարբած էր, ինչը հաստատվել է հարբածությունը ստուգող սարքով: Ոսստիկանությունը սպասում է նաեւ արյան անալիզի արդյունքներին: Նույն տեղեկությունը հայտնել են նաեւ Քյոլնի տրանսպորտի ծառայությունից:
«Ոստիկանությունը հայտնել է, որ վթարը կարող էր տեղի ունենալ այն պատճառով, որ մոտեցող գնացքի մեքենավարը ալկոհոլի ազդեցության տակ էր: Եթե դա հաստատվի, մեզ խորապես ապշահար կանի, կանցկացվեն ներքին քննություններ: Քյոլնի տրանսպորտի ծառայությունում նման բան դեռ չէր եղել»,- Twitter-ում նշել են ծառայության աշխատակիցները:
Պատահարի հետեւանքով երկաթուղում ուշացումներ են գրանցվել:
