Հոնկոնգի ամենահարուստ մարդը՝ Լի Կա-շինգը որոշել է հեռանալ CK Hutchison-ի նախագահի պաշտոնից, ինչպես նաեւ թողնել ընկերության գործադիր տնօրենի պաշտոնը, հայտնում է Bloomberg-ը:
«Ես որոշել եմ ընկերության առաջիկա ամենամյա ընդհանուր ժողովում հեռանալ խմբի նախագահի պաշտոնից, ինչպես նաեւ՝ գործադիր տնօրենի»,- ասել է Լին:
Հայտնի է դարձել, որ CK Hutchison Holdings Ltd.-ի եւ CK Asset Holdings Ltd.-ի 89-ամյա նախագահը կմնա խորհրդատվական խմբում: «Հոնկոնգի գործնականում ամբողջ կյանքին առնչվող» կոնգլոմերատը կղեկավարի նրա ավագ որդի Վիկտորը: