Գուդաուրիի լեռնադահուկային հանգստավայրում դժբախտ պատահարի հետեւանքով տուժել է ավելի քան 10 մարդ. ճոպանուղում իրար են բախվել մի քանի մակույկ, հայտնում է «Ռուսթավի-2» հեռուստաալիքը:
Բոլոր տուժածներին ռեանամոբիլով տեղափոխել են Գուդաուրի, նրանցից երկուսին ծանր վիճակում Թբիլիսի են տեղափոխել:
Կազբեգի քաղաքապետ Ալեքսանդր Զագաշվիլին լրագրողներին հայտնել է, որ պատահարը տեղի է ունեցել էլեկտրաէներգիայի հանկարծակի անջատման եւ լարվածության կտրուկ անկման հետեւանքով: Արդյունքում ճոպանուղին վթարային ռեժիմից անջատվել է: