Գուդաուրիի լեռնադահուկային հանգստավայրում ճոպանուղու վթարի հետեւանքով տուժած մարդկանցից 7-ը օտարերկրյա քաղաքացիներ են, հաղորդում է Վրաստանի հանրային հեռարձակման առաջին ալիքը:
Նախնական տվյալներով՝ ճոպանուղու վթարը տեղի է ունեցել էլեկտրաէներգիայի անջատման հետեւանքով։ Դեպքի վայրում աշխատում են փրկարարների երեք ջոկատ եւ բժիշկներ։ Նշվում է, որ տուժածները տեղափոխվել են Գուդաուրիի ամբուլատորիա, հոսպիտալացվել է ութ մարդ։ Նրան մեծամասնության մոտ գլխի բաց վնասվածքներ կամ տրավմա է։
Տուժածների թվում ՌԴ չորս քաղաքացի է, 2–ը՝ Ուկրաինայի, մեկը՝ Շվեդիայի եւ Վրաստանի մեկ քաղաքացի։ Տուժածներից մեկը հղի կին է։
Վրաստանի աշխատանքի, առողջապահության եւ սոցիալական հարցերի նախարար Դավիթ Սերգեենկոն լրագրողներին ասել է, երկու տուժածները կտեղափոխվեն Թբիլիսի:
