Հայաստանի ԱԻՆ-ում, այսօր՝ մարտի 16-ին, ժամը 12:29-ին ահազանգ է ստացվել, որ Սյունիքի մարզի Գորիս քաղաքի «ՎիվաՍել-ՄՏՍ»-ի սպասարկման կետի մոտակայքում գտնվող կիսակառույց շինությունից քաղաքացի է ընկել. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարները Օրբելյանների փողոցի թիվ 8 շենքի մոտակա հորից դուրս են բերել 80-ամյա Կ. Մ.-ին եւ մոտեցրել շտապօգնության աշխատակիցներին, վերջինս հոսպիտալացվել է Գորիսի ԲԿ, որտեղ բժիշկները տուժածի առողջական վիճակը գնահատել են միջին ծանրության: