Հայրապետական այցով Ուկրաինայում գտնվող ամենայն հայոց կաթողիկոս Գարեգին 2-րդին Կիեւում պարգեւատրել են Ուկրաինայի հայերի միության Գրիգոր Լուսավորչի շքանշանով:
Մարտի 16-ին Կիեւում տեղի ունեցած Ուկրաինայի հայերի միության համաժողովում տեղի է ունեցել Գարեգին 2-րդին պարգեւատրելու հանդիսավոր արարողությունը: Ուկրաինայի հայերի միության Գրիգոր Լուսավորչի շքանշանը հանձնել է միության նախագահ Վիլեն Շատվորյանը, հայտնում է AnalitikaUA.net-ը:
Հիշեցնենք, որ մարտի 16-ին Hyatt Regency Kyiv հյուրանոցի մամուլի սրահում տեղի է ունեցել Ուկրաինայի հայերի միության 2018-ի առաջին եռամսյակային համաժողովը:
Միջոցառումներին մասնակցել են նաեւ Ուկրաինայում Հայաստանի դեսպան Անդրանիկ Մանուկյանը, Հայ առաքելական եկեղեցու Ուկրաինայի թեմի առաջնորդ Մարկոս եպիսկոպոս Հովհաննիսյանը, շրջանային հայկական համայնքների ղեկավարներ, ականավոր հասարակական գործիչներ:
