Audi ընկերությունը 2018 թվականի հունիսին Շանհայի ավտոսրահում կներկայացնի Q8 սերիական քրոսովերը: Այս մասին, ինչպես հաղորդում է Autonews.ru-ն, հաղորդում է Motor1-ը` հղում անելով ընկերության տնօրեններից մեկին՝ Պիտեր Մերթենսին: Նման հայտարարությունը նա արել է բրենդի ամենամյա մամուլի ասուլիսում: Ըստ գլխավոր մենեջերի՝ քրոսովերը կդառնա «Q ընտանիքի նոր դեմքը»:
Մոդելը կթողարկեն Բրատիսլավայի գործարանում, որտեղ ներկայումս հավաքվում է երկրորդ սերնդի Q7-ը: Քրոսովերի արժեքը կգերազանցի 110,500 եվրոն: Համաշխարհային շուկայում կուպեանման Audi ամենագնացը կմրցի BMW X6-ի եւ Mercedes-Benz GLE Coupe-ի հետ:
Մեքենայի տեխնիկական բնութագրերը գաղտնի են պահվում: Ոչ պաշտոնական տվյալներով՝ քրոսովերը կունենա V6 եւ V8 դիզելային եւ բենզինային շարժիչներ:
Հետագայում այն կստանա սպորտային SQ8 անվանումով մոդիֆիկացիա, որը մրցելու է BMW X6 M-ի հետ: Այն կունենա 3.0 լիտրանոց TFSI V6 բենզինային շարժիչ `444 ձիաուժով եւ էլեկտրական շարժիչ: Նորույթի ընդհանուր հզորությունը կլինի 470 ձիաուժ:
