News
Լրահոս
News
Ուրբաթ
Հունվար 18
Տեսնել լրահոսը

Երեւանի ընդհանուր իրավասությաՆ դատարանի Շենգավիթի նստավայրում այսօր՝ մարտի 17-ին, Ժիրայր Սեֆիլյանին դատավոր Տաթեւիկ Գրիգորյանը թույլ չտվեց նստած տեղից պաշտպանական ճառն ասել, ինչի պատճառով Ժիրայր Սեֆիլյանի ճառը նրա փոխարեն ներկայացրեց պաշտպան Արայիկ Պապիկյանը։

«Իմ խոսքն ուղղված չէ Սերժ Սարգսյանի գործին, այլ ժողովրդին եւ միջազգային հանրությանը: Անիմաստ կլիներ, եթե ես հանդես գայի պաշտպանական խոսքով: Ուղղակի առիթն օգտագործեմ ու խոսեմ այն մասին թե ինչու ենք մենք այստեղ: Դատավարության անվան տակ իրականացվող այս գործընթացը հաշվեհարդար է: Ականատես եղանք բեմականացում հիշեցնող միջոցառման, որտեղ հնչած մեղադրական կողմի դատարկաբանությունը հեքիաթ է»,-Ժիրայր Սեֆիլյանի ճառն ընթերցեց Արայիկ Պապիկյանը։

Սեֆիլյանն իր հայտարարության մեջ մասնավորապես շեշտել է. «Իրականում բացահայտ քաղաքական հալածանք եւ բռություն է տեղի ունենում, պատվիրողը եւ կատարածուն էլ դատավորն ու դատախազներն են: Իմ պաշտպանները բազմիցս հմտորեն դիմակազերծեցին այս «վայ-արդարադատությունը»:

Սեֆիլյանը հիշեցրեց, որ 2016 թ. իրեն սպառնացել են. «Քննիչն ասաց՝ եթե չդադարեցնեք ձեր քաղաքական գործունեությունը, կհայտնվեք ճաղերի ետեւում»:

Հետո ազատամարտիկը նշեց, որ իրեն ֆիզիկապես ոչնչացնելու սպառնալիք էլ են տվել ու այդ մասին նա առաջին անգամ է բարձրաձայնում: Սեֆիլյանի խոսքում ասվում է. «Ինձ փոխանցել են սպառնալիքը՝ «դադարեցրու քաղաքական գործունեությունդ, եթե ոչ, ռուսները որոշել են սպանել քեզ»: Ես պատասխանել եմ զեկուցեք ձեր ղեկավարությանը, որ մենք մեր հողում ենք, Հայաստանն էլ տեր ունի»: Ժիրայր Սեֆիլյանը նշել է, որ սպառնալիքը փոխանցող միջնորդը եղել է ռազմական փորձագետ Հայկ Նահապետյանը: Սեֆիլյանի խոսքով՝ սպառնալիքի հստակ աղբյուրը ճշտել հնարավոր չէ, բայց ակունքը կրեմլյան համակարգն է. «Այդ սպառնալիքը ես ստացել եմ ռուս հայտնի ընդդիմադիր գործիչ Բորիս Նեմցովի սպանությունից մեկի-երկու օր անց»:

Հիշեցնենք, որ մեղադրող-դատախազը Սեֆիլյանի համար պահանջել է 11 տարվա ազատազրուկում, Գեւորգ Սաֆարյանի համար 4 տարի 6 ամիս, Ներսես Պողոսյանի համար` 4 տարի, Գալուստ Գրիգորյանի համար 3 տարի, Հրայր Թոփչյանի համար 3 տարի, Սասունիկ Կիրակոսյանի համար պահանջեց 4 տարի 6 ամիս, Հովհաննես Պետրոսյանի համար 2 տարվա ազատազրկում: Ժիրայր Սեֆիլյանը մեղադրվում է զանգվածային անկարգություններ կազմակերպելու եւ զենքի գործադրմամբ շենքեր, շինություններ զավթելու նախապատրաստության մեջ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կենթարկվենք ցանկացած որոշման․ Արթուր Վանեցյանը ՝ ԱԱԾ-ն վարչապետի ենթակայությունից դուրս բերելու մասին
Ես իմ կարծիքը չեմ ուզում այդ հարցով հայտնել…
ՀՀԿ Գերագույն մարմնի նիստը վաղը կվարի Սերժ Սարգսյանը
Վերջինս օրակարգի մասին տեղեկություններ չի տվել...
«Իմ քայլը»․ Հայաստանի կառավարության առջեւ շատ բարձր նշաձող է դրված
Նրա խոսքով, մարդիկ արագ եւ լուրջ փոփոխություններ են ակնկալում․․․
Մարդու իրավունքների մարտահրավերները նոր իշխանության համար. HRW զեկույց
շխանությունները պետք է օգտագործեն այս մանդատը բարեփոխումներ իրականացնելու համար, որպեսզի լուծվեն մարդու իրավունքների խնդիրները, որոնք մարդկանց դուրս էին բերել փողոց...
Այստեղ նույնիսկ Փաշինյանի «կախարդական փայտիկն» անզոր գտնվեց. Շարմազանով
Անցան ամիսներ, բայց Արցախի արտաքին գործերի նախարար Մասիս Մայիլյանն այդպես էլ չմասնակցեց Մամեդյարով-Մնացականյան հանդիպումներին...
Ռոբերտ Քոչարյանն է ժամանակին ուժային կառույցները բերել իր վերահսկողության տակ. Էդմոն Մարուքյան
Մարուքյանի խոսքով՝ եթե կոմիտե լինի, օրինակ, ԱԳՆ–ի կազմում, դա միգուցե ընդունելի տարբերակ կարող է լինել...
Ֆոտոռեպորտաժներ