News
Լրահոս
News
Շաբաթ
Սեպտեմբեր 22
Տեսնել լրահոսը

Բրիտանական խորհրդի հետ բոլոր համատեղ կրթական ծրագրերը Ռուսաստանում դադարեցվել են մինչեւ Ռուսաստանի տարածքում այդ կազմակերպության կարգավիճակի մասին որոշման կայացում։ Այս մասին հայտնել է ՌԴ կրթության ու գիտության նախարար Օլգա Վասիլեւան, փոխանցում է ՏԱՍՍ-ը։

«ՌԴ տարածքում Բրիտանական խորհրդի գործունեության դադարեցման համաձայն՝ բնականաբար դադարեցվելու են նաեւ Բրիտանական խորհրդի հետ համատեղ կրթական ծրագրերը»,- ասել է նախարարը։ Նրա խոսքով՝ Բրիտանական խորհրդի հետ համագործակցությունը կդադարեցվի մինչեւ «դրա կարգավիճակի մասին իրավասու մարմինների կողմից որոշման ընդունումը»

Միացյալ Թագավորության ՝ մշակութային կապերի ու կրթական հնարավորությունների հարցերով միջազգային կազմակերպությունը Թվիթերում հայտնել է, որ Բրիտանական խորհուրդը տեղեկացված է Ռուսաստանի որոշման մասին։

Ռուսաստանի Դաշնության խորհրդում հայտնել են, որ Ռուսաստանի պատասխանը Մեծ Բրիտանիայի գործողություններին ավելի կոշտ է եղել Լոնդոնի «քաղաքական անպատկառության» պատճառով։

Բացի դրանից Պետդումայում նշել են, որ բրիտանացի 23 դիվանագետների արտաքսումը ենթադրվող իրադարձություն էր ու ռուսական ԱԳՆ-ի կողմից հարկադրված քայլ էր, ի պատասխան այն քայլերի, որոնք Մեծ Բրիտանիան է ձեռնարկել։ Դա հայելանման պատասխան էր Լոնդոնի ընտրած դիրքորոշմանը։

Ավելի վաղ Ռուսաստանի ԱԳՆ-ն տարածել էր հայտարարություն, որում նշել էր, որ Ռուսաստանը պերսոնա նոն գրատա է հայտարարել ու  պահանջել, որ մեկ շաբաթվա ընթացքում երկրից հեռանան 23 բրիտանացի դիվանագետներ, նաեւ փակել է Սանկտ Պետերբուրգում Մեծ Բրիտանիայի գլխավոր հյուպատորսարանը ու դադարեցրել  Ռուսաստանում Բրիտանական խորհրդի գործունեությունը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բրիտանիայի ԱԳՆ-ն արձագանքել է Սկրիպալների թունավորման կասկածյալների հարցազրույցին
Այդ տվյալներով, նրանց թունավորման օրը տեսել են Սկրիպալների տան մոտակայքում, իսկ հյուրանոցի համարում գտել են «Նովիչոկ» թույնի հետքեր...
Պուտինը Սկրիպալների թունավորման մեջ կասկածվողներին կոչ է արել հանդես գալ լրատվամիջոցներում
Հույս ունեմ, որ նրանք ինքները կհայտնվեն եւ իրենց մասին իրենք կպատմեն…
ՌԴ–ում գտել են Սկրիպալների գործով «կասկածյալներին»
Մենք գիտենք, թե ովքեր են նրանք, մենք գտել ենք նրանց…
ՌԴ ԱԳՆ-ն ապատեղեկատվություն է անվանել Սկրիպալների թունավորման համար կասկածվողների մասին Լոնդոնի պնդումները
Ռուսաստանն արդեն բարձր մակարդակով հայտարարել է, որ «ոչ մի կապ չունի Սոլսբերիում տեղի ունեցածի հետ»…
Թերեզա Մեյը հայտարարել է, որ Սկրիպալների թունավորման համար կասկածյալները ԳՀՎ-ի աշխատակիցներ են
Թերեզա Մեյի խոսքով՝ Սոլսբերիում թունավորման համար թույլտվությունը տրվել է ՌԴ բարձրագույն ղեկավարության կողմից...
«Նովիչոկ»-ից տուժած Էյմսբերիի բնակիչը կրկին հոսպիտալացվել է
Այժմ նա գտնվում է ինտենսիվ թերապիայի բաժնում․․․
Ամենաշատ
Partner news