Բրիտանիայի արտաքին գործերի նախարար Բորիս Ջոնսոնը հպարտանում է Ռուսաստանում աշխատող բրիտանացի դիվանագետներով եւ մտադիր է աջակցել նրանց, ովքեր առաջիկա շաբաթվա ընթացքում կվերադառնան իրենց հայրենիք: Նա այս մասին գրել է Twitter-ի իր էջում, հաղորդում է «ՌԻԱ Նովոստին»:
«Այսօր առավոտյան ես խոսել եմ Մոսկվայում մեր դեսպանի եւ աշխատակազմի հետ: Նրանք ծանր պայմաններում հիանալի աշխատանք են կատարում, եւ մենք պետք է հպարտանանք Բրիտանիայի շահերին ծառայելու նրանց անխոնջ ձգտմամբ», - գրել է նա:
Ջոնսոնը նաեւ նշել է, որ այժմ նրա համար առաջնահերթություն է այն աշխատակիցների աջակցությունը, ովքեր Ռուսաստանից վերադառնում են Մեծ Բրիտանիա: