Ռուսաստանի նախագահի թեկնածու Քսենիա Սոբչակն առաջարկել է ընդդիմադիր Ալեքսեյ Նավալնիին իր նոր կուսակցության հետ համագործակցության բանակցություններ սկսել , գրում է Meduza-ն։
Նավալնին հրաժարվել է համագործակցել՝ հայտարարելով, որ Սոբչակը Ռուսաստանի նախագահական ընտրություններում իշխանությունների «մեքենայությունների մասն է եղել»։
Նավալնին պնդում է, որ Սոբչակը հայտնել է, թե իրեն խոշոր գումարներ են խոստացել ՌԴ նախագահի պաշտոնում առաջադրվելու համար։
Սոբչակը հերքել է Նավալնիի խոսքերը խոշոր գումարների մասին։
Կուսակցության ստեղծման մասին Քսենիա Սոբչակն ու Դմիտրի Գուդկովը հայտարարել էին մարտի 15-ին։ Կուսակցությունը հիմնվել էր 1992-1993 թթ․ էկոնոմիկայի նախարար Անդրեյ Նեչայեւի «Քաղաքացիական նախաձեռնության» հիմքի վրա, իսկ Սոբչակին կուսակցությունն առաջադրել էր նախագահի պաշտոնում։
Ալեքսեյ Նավալնին, իր հերթին, կոչ է արել բոյկոտել ընտրությունները։ Նա եւս իր առաջադրման արշավ էր իրականացնում, բայց Կենտրոնական ընտրական հանձնաժողովը հրաժարվել էր գրանցել նրա թեկնածությունը։
