Ռուսաստանի նախագահական ընտրություններում ընտրատեղամասային հանձնաժոովների արձանագրությունների մշակված 99,75 տոկոսի ամփոփման արդյունքներով ՌԴ գործող նախագահ Վլադիմիր Պուտինը ստացել է ձայների գրեթե 76,67 տոկոսը: Այս մասին հայտնում է Ռուսաստանի ԿԸՀ-ն:
Պուտինի օգտին է քվեարկել ավելի քան 55,403 մլն ռուսաստանցի: ԿԸՀ-ից ընդգծել են, որ գործող ղեկավարի արդյունքը ռեկորդային է հետխորհրդային Ռուսաստանի պատմության մեջ
Երկրորդ տեղում է ՌԴ Կոմունիստական կուսակցությունից առաջադրված թեկնածու Պավել Գրուդինինը՝ ստացած ձայների 11,79 տոկոսով, երրորդ՝ Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին (5,66 տոկոս): ԿԸՀ-ից նշել են, որ այս տարի Պուտինը հետխորհրդային Ռուսաստանի ամբողջ պատմության մեջ ռեկորդ է սահմանել՝ ստանալով այսպիսի զգալի աջակցություն: Իրենց քվեները նրա օգտին են տվել ընդհանուր 107,2 մլն ընտրողներից ավելի քան 55 մլն ռուսաստանցիներ: ՌԴ ղեկավարին արդեն շնորհավորել են մի շարք համաշխարհային առաջնորդներ, որոնց թվում են Չինաստանի նախագահ Սի Ցզինպինը, Վենեսուելայի նախագահ Նիկոլաս Մադուրոն, Կուբայի առաջնորդ Ռաուլ Կաստրոն եւ այլք:
