Փաստաբան Տիգրան Հայրապետյանը ներկայացնում է «Սասնա ծռեր» խմբի անդամներին օժանդակելու մեղադրանքով կալանավորված Կարո Եղնուկյանի առողջական վիճակին վերաբերող խնդիրները:
Նշենք, որ նախորդ դատական նիստում արդեն որերոդ անգամ վատացել է Կարո Եղնուկյանի ինքնազգացողությունը: Ստիպված են եղել շտապօգնություն կանչել: Ինքը Կարո Եղնուկյանը, հրաժարվել է ստացիոնար բուժումից եւ ասել, որ իր ճնշումը բարձրանում է, երբ ինքը հայտնվում է դատարանի դահլիճում կամ դատարանի շենքում։
Նշենք, որ Արտուշ Գաբրիելյանը քննում է «Սասնա ծռեր» խմբի անդամներ Արմեն Լամբարյանի, Աշոտ Պետրոսյանի, Արթուր Մելքոնյանի, Տիգրան Սարգսյանի, Արթուր Սողոմոնյանի, Գառնիկ Հովակիմյանի, Հովհաննես Վարդանյանի, Մանվել Աթոյանի, Վարդգես Գեւորգյանի, Կարո Եղնուկյանի եւ Խաչատուր Գիչյանի առանձնացված մասով գործը:
