Հյուսիսատլանտյան դաշինքը սկսում է նոր շտաբ–կայան տեղափոխվել։ Նոր շտաբ–կայանի արժեքը գնահատվում է մոտավորապես 1.2 միլիարդ եվրո, հաղորդում է DW-ն։ Նոր շենքը գտնվում է Բրյուսելում՝ նախկին շտաբ–կայանի մերձակայքում։
Նախատեսվում է, որ շուրջ 4000 աշխատակիցների եւ դիվանագետների տեղափոխումը մոտ 3 ամիս կտեւի։
Կազմակերպության տեղափոխումը պետք է սկսվեր դեռ 2017 թվականին, սակայն ցանցային ենթակառուցվածքի հետ կապված խնդիրների պատճառով հետաձգվել էր։
Փետրվարին պարզ էր դարձել, որ Գերմանիայի արեւմուտքում կկառուցվի նաեւ ՆԱՏՕ պլանավորման եւ կառավարման նոր կենտրոն։ Նոր շտաբ–կայանը կարող է տեղակայվել Քյոլն–Բոնն շրջանում։