Լեհաստանն արագացված ռեժիմով կվավերացնի ՀՀ–ԵՄ համաձայնագիրն այն բանից հետո, երբ Հայաստանի խորհրդարանը վավերացնի փաստաթուղթը։ Այս մասին Երեւանում Արմեն Աշոտյանի հետ համատեղ ասուլիսի ժամանակ հայտարարել է Լեհաստանի Սեյմի արտաքին կապերի հանձնաժողովի ղեկավար Մարեկ Ռոցկին։
Նրա խոսքով, քննարկման ժամանակ պայմանավորվածություն է ձեռք բերվել այն մասին, որ ՀՀ ԱԺ կողմից վավերացումից հետո, Լեհաստանը հնարավորինս արագացված ռեժիմով վավերացնի փաստաթուղթը, որ հետագայում վավերացման գործընթացը մյուս երկրներում էլ արագացված ռեժիմով ընթանա։
