News
Լրահոս
News
Հինգշաբթի
Հուլիս 19
Տեսնել լրահոսը


Հաղթանակած եւ բարձր համբավ ունեցող բանակին վայել է միայն բարձր կարգապահությունը. չպետք է որոշ ամոթալի դեպքեր ստվեր գցեն բոլորիդ կատարած ահռելի աշխատանքի վրա: Այս մասին, այսօր՝ մարտի 19-ին, ՊՆ-ում Զինված ուժերի ղեկավար կազմի օպերատիվ հավաքի մասնակիցների հետ հանդիպման ժամանակ իր ելույթում նշել է ՀՀ նախագահ Սերժ- Սարգսյանը:

Նա, մասնավորապես, նշել է. «Բանակն իսկապես մեր ժողովրդի ամենօրյա ուշադրության կենտրոնում է, ուստի նման դեպքերն արժանանում են զգայուն հասարակական արձագանքի: Մարտական պատրաստության գործընթացը եւ պարապմունքների հստակ ժամանակացույցը կարգապահության ամրապնդման, բռնարարքների բացառման, արտակարգ դեպքերի նվազեցման ամենաարդյունավետ ճանապարհն են: Բոլորիս համար ակնհայտ է, որ մեր կորուստների հիմնական մասը տեղի է ունենում մարտական հերթապահության կանոնների խախտման պարագայում, ինչը, իհարկե, անթույլատրելի է:

Այդուհանդերձ, որքան էլ բարելավենք ցուցանիշները, այս ուղղությամբ մեր աշխատանքների գերազանց արդյունքը միայն ու միայն «զրո» ցուցանիշը պետք է լինի: Այսինքն՝ ոչ մի զոհ բանակում: Միայն այդ ժամանակ կարելի կլինի խոսել լիարժեք գոհ լինելու մասին:

Ինքնակատարելագործումը եւ մեթոդական պատրաստությունը, պետք է լինեն ձեր ծառայության անբաժան բաղկացուցիչը: Տեսական գիտելիքներ ձեռք բերելու այլ ճանապարհ, քան ընթերցանությունն է, չկա: Իսկ եթե տեսական գիտելիքներ չկան, ի՞նչը պետք է կիրառվի գործնականում: Պետք է դրա համար միշտ ժամանակ գտնեք: Եվ հայտնի բան է, որ մշտապես ժամանակ չունեն միայն նրանք, ովքեր ոչինչ չեն անում:

Հայաստանի զինվորականը պետք է մշտապես կատարելագործվի եւ զարգանա: Ուսուցման եւ աշխատանքի ժամանակ ստացած գիտելիքները արագ կորչում են, եթե չեն ամրապնդվում ինքնապատրաստությամբ: Որեւէ բան սովորելու համար ոչ մի առիթ բաց մի թողեք: Օգտակար բան սովորել հնարավոր է բոլորից՝ թե՛ ղեկավարներից եւ թե՛ ենթականերից:

Խստապահանջ եղեք ինքներդ ձեր եւ կողքինների նկատմամբ: Առաջինը դուք պետք է տեսնեք սեփական սխալները: Արեք հետեւություններ, որպեսզի այլեւս չկրկնեք այդ սխալները: Եվ մեկ անգամ եւս հստակ պետք է ընդգծենք՝ ցանկացած խստապահանջության հիմքում ձեր սեփական օրինակը պետք է լինի: Չես կարող խստապահանջ լինել ենթակայի նկատմամբ, եթե ինքդ խախտում ես ինչ-որ բան:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դա չի նշանակում, որ իր որդուն այցելող ծնողն իրավունք չունի հետը միս տանել ու խորոված անել. Փաշինյանը պարզաբանում է
Ոչ ոք չի ասում, որ ծնողն իրավունք չունի իր երեխային համար շոկոլադ կամ տորթ տանել...
Բանակում եւ հագուստի, եւ կոշիկի, եւ սննդի հարցը պետք է բարելավվի, այստեղ երկրորդ կարծիք չկա. Փաշինյան
Զինծառայողների համազգեստի հետ կապված, նաեւ այլ հարցերի հետ կապված միշտ էլ փոփոխություններ արվում են եւ խնդիր է դրված, որ որակն ավելի լավանա...
Հիվանդ զինակոչիկները չե՞ն հայտնվի բանակում. նրանց առողջության փորձաքննության կարգը փոխվել է
ՊՆ-ում բուժծառայության գերակա խնդիրը զինծառայողների առողջության պահպանումն է, սանիտարահիգիենիկ իրավիճակի կարգավորումը եւ մարտական դիրքերում եւ զորանոցներում...
Զորամասին հատկացված վառելիքի հափշտակության համար մեղադրանք է առաջադրվել 8 անձի. այդ թվում, գնդապետի
Նախնական քննությամբ փաստական տվյալներ են ձեռք բերվել առ այն, որ N զորամասի հրամանատարը, կոչումով՝ գնդապետ, օգտագործելով իր պաշտոնեական դիրքը…
Բանակում բոլոր զինվորները ապահովված կլինեն անհրաժեշտ պարագաներով. Արտակ Դավթյան
Հույս ունեմ զորակոչը կանցնի առանց խոչընդոտների ու միջադեպերի։ Եթե խնդիրներ էլ լինեն, օպերատիվ կերպով կփորձենք միջամտել...
Դավիթ Տոնոյանը հանձնարարել է թույլ չտալ չարաշահում՝ զինծառայողների ճանապարհածախսերի հետ կապված
Նույն ժամանակ ՀՀ ՊՆ-ը հորդորում է տրանսպորտային ընկերություններին եւ առանձին միջոցների վարորդներին, որոնք զորամասերից զինծառայողներին…
Ամենաշատ
Partner news