Ոստիկանության Նոր Նորքի բաժնի քրեական հետախույզները ամիսներ տեւած ծավալուն միջոցառումներով պարզել էին, որ մայրաքաղաքում ապրող Կարեն Ծաղիկյանը թմրամիջոցներ է վաճառում։ Կարեն Ծաղիկյանը վերցրեցվեց քրեական հետախույզների օպերատիվ տեսադաշտ։ Պարզվեց, որ նա մարտի 15-ին Ավանում պետք է թմրամիջոց իրացնի։
Արդյունքում՝ իրացնելուց հետո հայտնաբերվեց եւ՛ նա, եւ՛ նրանից թմրամիջոց ձեռք բերած անձինք։ Նախ Մոլդովական փողոցում հայտնաբերվեց ու ոստիկանության Նոր Նորքի բաժին բերման ենթարկվեց Հովնան Վարդանյանը։ Թմրամիջոց ձեռք բերելու, պահելու եւ օգտագործելու կասկածանքով բերման ենթարկված 36-ամյա Վարդանյանի խուզարկությամբ հայտնաբերվեց դեղահաբի կտոր։ Ապա հայտնաբերվեց Արմեն Մխիթարյանը։
Նրա խուզարկությամբ հայտնաբերվեց մեկ դեղահաբ։ Պարզվեց, որ նրանք հայտնաբերվածը ձեռք են բերել Կարեն Ծաղիկյանից։ Դատաքիմիական փորձաքննությամբ պարզվեց, դրանք մեթադոն են։ Մարտի 15-ին հայտնաբերվեց ու բերման ենթարկվեց նաեւ Կարեն Ծաղիկյանը։ Կասկածյալն Ավանի բնակիչ է, 43 տարեկան։ Դատարանի որոշմամբ խուզարկվեց Կարեն Ծաղիկյանի բնակարանը։
Հայտնաբերվեցին, նախնական տվյալներով՝ տարբեր տեսակի հոգեներգործուն դեղահաբեր նաեւ մարիխուանայի նմանվող մանրացված-չորացված զանգված, որոնք ուղարկվել են ոստիկանության փորձաքրեագիական վարչություն՝ դատաքիմական փորձաքննության։
Կարեն Ծաղիկյանին մեղադրանք է առաջադրվել։ Նա կալանավորվել է։
