Միացյալ Նահանգների սահմանած պողպատի եւ ալյումինի ներմուծման մաքսային սակագները չպետք է տարածվեն ԵՄ երկրների վրա: Այս մասին հայտարարել է առեւտրի հարցերով եվրոպական հանձնակատարը Սեսիլիա Մալմստրոմը, հաղորդում է AP-ն:
Նրա խոսքով՝ «ԵՄ-ն պետք է հանվի» այն երկրների ցուցակից, որոնց վրա տարածվում են սակագները, եւ որ նա այդ ուղերձը մարտի 20-ին Վաշինգթոնում բանակցությունների ընթացքում ԱՄՆ-ի ներկայացուցիչներին կներկայացնի: Նա նշել է, որ ԵՄ-ն պատրաստ է լուծել պողպատի գերարտադրության խնդիրը, ինչը, նրա խոսքով, ԱՄՆ-ի եւ Եվրոպայի արդյունաբերության համար գլխացավի իրական պատճառ է:
