Մեքսիկայի մայրաքաղաքում երկուշաբթի տեղ գտած հրաձգության հետեւանքով մեկ մարդ է զոհվել, փոխանցում է «ՌԻԱ Նովոստի»–ն։
Մեխիկոյի դատախազության տվյալներով, կրակը բացել է մի տղամարդ եւ կրակել է իր ծանոթի ուղղությամբ. «28-ամյա կինը Կուաուտեմոկ նահանգի Խուարեսի առեւտրային կենտրոնում ստացած երեք հրազենային վնասվածքներից մահացել է։ Հրազենային վնասվածքը պատճառել է 35-ամյա տղամարդը, որն իրեն եւս վնասել է»,–հայտնել են գերատեսչությունում։
Նախնական տվյալներով հրաձգությունը տեղ էր գտել կենցաղային վեճի հողի վրա։ Պարզվել է, որ կինն ու տղամարդը ոչ միայն ծանոթ են եղել, այլ նաեւ ընդհանուր երեխա ունեն։