Քենիայում 45 տարեկանում սատկել է հյուսիսային սպիտակ ռնգեղջյուրի Սուդան անունով վերջին արու առանձնյակը, նշված է Քենիայի Ol Pejeta արգելոցի Twitter-ի միկրոբլոգում, փոխանցում է «ՌԻԱ Նովոստի»-ն:
«Ol Pejeta-ում բոլորիս վշտացրել է Սուդանի մահը: Նա իր տեսակի հոյակապ ներկայացուցիչ էր, եւ մենք նրան կհիշենք այն աշխատանքի համար, որը նա կատարել է ամբողջ աշխարհում հանրության ուշադրությունը գրավելու համար այն դժվարին իրադրության վրա, որում մարդկանց գործունեության հետեւանքով գտնվում են ոչ միայն ռնգեղջյուրները, այլ նաեւ հազարավոր այլ անհետացող տեսակներ»,- հայտարարել է արգելոցի գլխավոր տնօրեն Ռիչարդ Վինը:
Հայտարարության համաձայն՝ Սուդանի մահից հետո մոլորակում մնացել են այս տեսակի միայն երկու էգ՝ նրա դուստ Նաջինը եւ թոռնուհի Ֆաթուն:
Ինչպես հայտնում են արգելոցից, տեսակի շարունակման միակ հույսը արտամարմնային բեղմնավորման միջոցով սերունդի աճեցումն է՝ օգտագործելով մնացած էգերի ձվաբջիջները եւ արու առանձնյակների պահպանված սերմնաբջիջները: Փոխնակ մայրեր կարող են դառնալ հարավային սպիտակ ռնգեղջյուրի էգերը:
It is with great sadness that Ol Pejeta Conservancy and the Dvůr Králové Zoo announce that Sudan, the world’s last male northern white rhino, age 45, died at Ol Pejeta Conservancy in Kenya on March 19th, 2018 (yesterday). #SudanForever #TheLoneBachelorGone #Only2Left pic.twitter.com/1ncvmjZTy1
— Ol Pejeta (@OlPejeta) 20 марта 2018 г.