Քննչական կոմիտեի քննիչները միացել են Պավլովսկի մոտ տեղի ունեցած խոշոր ավտովթարի հանգամանքների պարզման աշխատանքներին։ Վթարի հետեւանքով զոհվել էին երկու մարդ, եւս յոթը տարբեր վնասվածքներով հոսպիտալացվել են։ Ուժայինները քննությունն իրականացնում են «անվտանգության պահանջներին չհամապատասխանող ծառայության մատուցման փաստով, որի արդյունքում մարդիկ են տուժել», հաղորդել է շրջանային քննչական վարչությունը։
Հաստատված տվյալներով, մարտի 20-ին՝ Մոսկվայի ժամանակով ժամը 8.40-ին Մ-4 «Դոն» (Վորոնեժի մարզ) միջպետական ավտոճանապարհի 673-րդ կիլոմետրին իրար են բախվել Երեւան–Մոսկվա ուղեւորատար ավտոբուսն ու բեռնատարը։Ուղեւորատար ավտոբուսի վարորդը կորցրել է մեքենայի կառավարումը եւ դուրս է եկել հանդիպակաց գոտի։ Այնտեղ Երեւան Մոսկվա ուղեւորափոխադրում իրականացնող ավտոբոըւսը բախվել է Mercedes մակնիշի բեռնատարին։ Արդյունքում զոհվել են բեռնատարի եւ ավտոբուսի պահեստային վարորդները։ Հինգ ուղեւորներ եւ ավտոբուսի վարորդը հոսպիտալացվել են Պավլովսկի կենտրոնական շրջանային հիվանդանոց։ տուժածներից մեկին բւոժօգնություն են ցուցաբերել տեղում։ Բախման պահին ավտոբուսում 50 մարդ է եղել (48 ուղեւորներ եւ 2 վարորդները)։
«ՌԻԱ Նովոստի»–ի թղթակցին ՌԴ ՆԳՆ շրջանային վարչությունում հայտնել են, որ ավտոբուսի ուղեւորներին տեղավորել են Պավլովսկի հյուրանոցներից մեկում։ Շուրջ 10 մարդու տարել են հարազատները։ Ոստիկանությունը կապ է հաստատել ուղեւորափոխադրումն իրականացնող ընկերության հետ մարդկանց նշված վայր հասցնելու համար։ Ուժայինները պարզում են զոհվածների ու տուժածների ինքնությունը։