Ոստիկանության Երեւան քաղաքի վարչության քրեական հետախուզության բաժնի 6-րդ բաժանմունքի աշխատակիցները մարտի 13-ին գրպանահատության հերթական դեպքն են բացահայտել:
Ժամը 19-ի սահմաններում քրեական հետախույզները Մաշտոցի պողոտայից գողություն կատարելու կասկածանքով Տարոնցու փողոցի Հովհաննես Կ.-ին բերման ենթարկեցին ոստիկանության Կենտրոնական բաժին: Կասկածյալի խուզարկությամբ հայտնաբերվել է դրամապանակ, որի մեջ կար փող եւ բանալիներ:
Պարզվել է, որ ժամը 18.30-ի սահմաններում նա դրամապանակը երթուղային ավտոբուսում մի կնոջ պայուսակից է գողացել:
Գողոնը հանձնվել է տուժող կնոջը, որը սակայն հրաժարվել է հաղորդում տալ: