Երեւանում կրակոցներ են հնչել: Պատահարից հետո «աջ ազդրի շրջանում հրազենային վնասվածք» ախտորոշմամբ Միքայելյանի անվան բուժկենտրոն է տեղափոխվել մի տղամարդ: Shamshyan.com-ի տեղեկություններով՝ դեպքը տեղի է ունեցել երեկ՝ մարտի 19-ին:
Իրավապահները պարզել են, որ տուժածը 57-ամյա բնակիչ Հովսեփ Վարդանյանն է, իսկ դեպքը տեղի է ունեցել Երեւանի Մամիկոնյանց 56 հասցեում: Դեպքի վայրում իրավապահներն արնանման հետքեր են հայտնաբերել, ինչպես նաեւ որսորդական հրացանի կրակված պարկուճ:
Աղբյուրի փոխանցմամբ՝ ոստիկանները հանցագործությունը կատարելու կասկածանքով որոնում են Երեւանի 42-ամյա բնակիչ Սամվել Սամվելյանին:
