Նիկոլայ Կարաչենցովը շաբաթվա վերջին կուղեւորվի Իսրայել թոքերի չարորակ նորագոյացության բուժման թերապիա անցնելու նպատակով։ Այս մասին ՏԱՍՍ–ին հայտնել է նրա որդին՝ Անդրեյ Կարաչենցովը։
Նրա խոսքով, բուժման կուրսը կտեւի մոտ 23 օր՝ օրական կես ժամ տեւողությամբ։
Կարաչենցովի որդին պարզաբանել է, որ Իսրայելում առկա են ավելի թիրախային սարքավորումներ։
Բուժման արժողությունը Անդրեյ Կարաչենցովը գնահատել է մոտ 2 մլն ռուբլի։
Ավելի վաղ հայտնի էր դարձել, որ 2017 թվականի հոկտեմբերին Նիկոլայ Կարաչենցովի ձախ թոքին չարորակ ուռուցք է հայտնաբերվել։ Կես տարվա ընթացքում դերասանն անցել է քիմիաթերապիայի 6 կուրս։
Հիշեցնենք, որ Նիկոլայ Կարաչենցովի դերասանական գործունեությունն ավարտվել է 2005 թվականին։ 2005 թվականի փետրվարի 28-ին Մոսկվայում դերասանի վարած մեքնենան վթարի էր ենթարկվել։
