Մարտի 21-ին Երեւանի մի շարք շրջաններում եւ Դավիթաշեն գյուղում գազամատակարարումը կդադարեցվի: Այս մասին հաղորդում է «Գազպրոմ Արմենիա» ՓԲԸ-ի հասարակայնության եւ լրատվամիջոցների հետ կապերի ծառայությունը:
Ընկերության Երեւանի գազաֆիկացման եւ գազամատակարարման մասնաճյուղը տեղեկացնում է, որ գործող գազատարների հետ ներմիացման աշխատանքներ կատարելու նպատակով մարտի 21-ին ժամը 9:00-ից մինչեւ մարտի 22-ի ժամը 19:30-ն դադարեցվելու է Աջափնյակ վարչական շրջանի Ֆիզիկայի ինստիտուտի բնակելի թաղամասի բազմաբնակարան շենքերի, Դավիթաշեն գյուղի առանձնատների, Միկոյան փողոցի թիվ 2/2 եւ 48 հասցեների բազմաբնակարան շենքերի գազասպառողների գազամատակարարումը: