Ժողովրդական պատգամավոր Նադեժդա Սավչենկոյի համախոհները տարածել են մի տեսանյութ, որտեղ նա Գերագույն Ռադայի դատարկ դահլիճում սարկազմիկ ժպիտով ասում է. «Բա–բախ։ Վախենալու՞ է։ Իսկ նրանք մեզանից վախենում են»։
Համապատասխան տեսանյութն իր էջում է տեղադրել կուսակցական համախոհ Տատյանա Պրոտորչենկոն։
Տեսանյութում Սավչենկոյի խոսքերից հետո հայտնվում է գրություն. «Նադեժդա Սովչենկո։Ուկրաինայի նախագահական ընտրությունների թեկնածու»։
Ավելի վաղ հայտնի էր դարձել, որ Նադեժդա Սավչենկոյին կասկածում են Ուկրաինայում պետական հեղաշրջամը հանցակցելու եւ պատրաստելու մեջ՝ «Սպայական կորպուս» ազատագրված գերիների կենտրոնի ղեկավար Վլադիմիր Ռուբանի գործով: Մարտի 8-ին Ռուբանին ձերբակալել են կահույքի մեջ թաքցրած զինանոց հայտնաբերելով: Մարտի 9-ին Ուկրաինայի անվտանգության ծառայության նախագահ Գրիցակը հայտարարել է, որ իրենց հաջողվել է կանխել մասշտաբային ահաբեկչությունները, որոնք կարող էին իրագործվել մոտ ժամանակներում Կիեւում եւ այլ քաղաքներում:
