Сначала подумай, потом говори. պատմական հողեր ունենալու համար պետք է պատմություն ունենալ: Այս մասին, այսօր՝ մարտի 20-ին, ԱԺ-ում հայտարարությունների ժամին իր ելույթում նշել է Հայաստանի ԱԺ փոխնախագահ, ՀՀԿ խմբակցության մամուլի քարտուղար Էդուարդ Շարմազանովը:
Նրա խոսքով, Արցախի խնդրի խաղաղ եւ արդար կարգավորումը մեր կարեւորագույն օրակարգային խնդիրներից է. «Մենք շարունակելու ենք սատարել Արցախի քաղաքացիների ինքնորոշման աստվածատուր պայքարին, եւ այդ սատարման գործընթացում հիմնական գործոնը պետք է լինի մեր բանակը, որը թե′ 90-ականներին եւ թե′ այսօր հարկ եղած դեպքում արժանիորեն հակահարված է հասցնում ադրբեջանական սադրանքներին:
Այս ամենը նյարդայնացնում է Ադրբեջանի ղեկավարությանը, որը հերթական անգամ հանդես է եկել զառանցանքով՝ նշելով, որ Հայաստանի տարածքի մեծ մասը պատմական ադրբեջանական հողեր են:
Նախ, պատմական հողեր ունենալու համար պետք է պատմություն ունենալ: Ադբրեջան պետության պատմությունը դեռեւս 100 տարին չի բոլորել: Իրենց սիրելի «Ատլետիկո Մադրիդ» ակումբը 15 տարով մեծ է Ադրբեջան պետությունից: Ադրբեջանը արհեստական պետություն է, որը թատերաբեմ է իջել 1918 թվականի մայիսի 27-ին թուրք Նուրի փաշայի ինտերվենցիայի հետեւանքով:
Այստեղ հիշեցի «Միմինո» լեգենդար ֆիլմի հերոսներին, որոնք նշում էին. «Я тебе один умный вещь скажу, но только ты не обижайся: сначала подумай, потом говори»,-ընդգծեց Շարմազանովը: