Գերմանիան ազատ առեւտրի կողմնակից է եւ հույս ունի, որ Եվրամիությանը կհաջողվի գտնել ԱՄՆ-ի հետ ներմուծման մաքսատուրքերի մասին վեճի լուծումը ու խուսափել առեւտրային պատերազմից: Այդ մասին երեքշաբթի Բեռլինում հայատարարել է Գերմանիայի կլանցլեր Անգելա Մերկելը՝ Իռլանդիայի վարչապետ Լեո Վարադկարի հետ համատեղ մամուլի ասուլիսում, փոխանցում է ՏԱՍՍ-ը:
«Մենք հովանավորչական միջոցառումների կողմնակից չենք, մենք ցանկանում ենք միջոցառումներ ձեռնարկել Առետրի համաշխարհային կազմակերպության բազամակողմանի համակարգի շրջանակներում: Հույս ունենք, որ ստիպված չենք լինի արձագանքելու [ԱՄՆ-ի կողմից] լրացուցիչ մաքսատուրքերին: Հիմա բանակցություններ են ընթանում առեւտրի հանձնակատար Սեսիլիա Մալմսթրեմի եւ ամերիկյան կառավարության միջեւ, Գերմանիայի էկոնոմիկայի նախարար Պետեր Ալթմայերը բանակցություններ է վարել ԱՄՆ առետրի նախարար Ուիլբուր Ռոսի հետ, G20 անդամ երկրների ֆինանսների նախարարները հանդիպել են Արգենտինայում: Ես հույս ունեմ, որ այս ամենից ինչ-որ լուծում կգտնվի»,- ասել է Գերմանիայի կանցլերը:
Մարտի 8-ին ԱՄՆ նախագահ Դոնալդ Թրամփը հրաման էր ստորագրել պողպատաձուլական եւ ալյումինի արդյունաբերության արտադրանքի ներմուծման վրա մաքսատուրք սահմանելու մասին: Նա հայտարարել էր, որ պողպատի մաքսատուրքը կկազմի 25 տոկոս, ալյումինի՝ 10 տոկոս: Ըստ որում՝ Թրամփը չէր բացառել, որ մի շարք երկրներ մաքսատուրքի գանձումից կազատվեն, որոնց թվում են Կանադան, Մեքսիկան եւ Ավստրալիան:
