Telegram-ի հիմնադիր Պավել Դուրովը հայտարարել է, որ Ռուսաստանում մեսենջերի արգելափակման սպառնալիքը ոչ մի արդյունք չի ունենա: Այս մասին նա նշել է «Թվիթերում», փոխանցում է Gazeta-ն:
«Telegram-ն արգելափակելու սպառնալիքները, եթե իր օգտատերերի անձնական տվյալները չտրամադրի, արդյունք չեն ունենա: Telegram-ը շարունակում է պաշտպանել ազատությունն ու սեփականության իրավունքը»,- նշել է Դուրովը:
Ավելի վաղ Ռուսաստանի գերագույն դատարանը մերժել էր Telegram-ի իրավաբանների հայցը եւ ընկերությանը պարտավորեցրել ԱԴԾ ներկայացնել վերծանումների բանալիները:
Դրանից հետո «Ռոսկոմնադզորը» Telegram-ին 15 օր ժամկետ էր տրամադրել վերծանումների բանալիները ներկայացնելու համար:
Եթե Telegram-ը դա չանի, այն կարգելափակվի: