Սենթ Մերիս շրջանի (Մերիլենդ) իշխանությունները հետաքննում են Great Mills High School-ում հրաձգության հետ կապված արտակարգ իրավիճակը: Առայժմ հրաձիգի կամ տուժածների մասին մանրամասներ չեն հաղորդվում, հայտնում է USA.one-ը:
Սենթ Մերիսի շերիֆի գրասենյակի ներկայացուցիչ կապրալ Ջուլյա Ինգլինի խոսքով՝ հրաձգության մասին հաղորդումը ստացվել է առավոտյան: Դպրոցը փակվել է ու շրջապատվել:
Հարցին՝ տուժածներ կա՞ն, Ինգլինը պատասխանել է, որ իր տրամադրության տակ նման տեղեկություններ չունի: Շերիֆի գրասենյակում հաստատել են դպրոցում տեղի ունեցած «միջադեպի» փաստը եւ աշակերտների ծնողներին կոչ են արել տեղեկությունների համար դիմել հարեւան Leonardtown High School:
Great Mills High School-ը գտնվում է Հարավային Մերիլենդում՝ Վաշինգթոնից 60 մղոն հեռավորությամբ: Դպրոցն ունի 1,6 հազար աշակերտ:
АВС7-ը, վկայակոչելով սեփական աղբյուրներին, հայտնել է 3 վիրավորի մասին, որոնց թվում է նաեւ հրաձիգը, սակայն իշխանությունները այս տեղեկությունը դեռեւս պաշտոնապես չեն հաստատել:
