Իսրայելի վարչապետ Բինյամին Նեթանյահուն հայտարարել է, որ Իսրայելի եւ Եգիպտոսի սահմանի երկայնքով էլեկտրոնային պարիսպը փրկել է հրեական պետությանը ջիհադիստների եւ աֆրիկյան միգրանտների ալիքների հարձակումներից, հաղորդում է AFP-ն:
«Եթե չլիներ ցանկապատը, մենք կբախվեինք Սինայի ահաբեկիչների կողմից լուրջ հարձակումների եւ որ ավելի վատ է՝ Աֆրիկայի անօրինական միգրանտների հոսքին», - ասելէ նա:
Նեթանյահուն հայտարարել է, որ ոչ հրեական ներգաղթի ալիքը սպառնում է Իսրայելի գոյությանը:
«Մենք խոսում ենք հրեական եւ ժողովրդավարական պետության մասին, բայց ինչպես կարող ենք մենք ապահովել հրեական եւ ժողովրդավարական պետությունը` տարեկան 50.000, ապա 100.000 եւ 150.000 միգրանտների դեպքում », - ասել է Նեթանյահուն: