Ստամբուլի վարչակազմը արգելել է հայ-իրանական «Եվա» ֆիլմի ցուցադրությունը Filmmor կանանց միջազգային կինոառատոնին՝ վկայակոչելով արտակարգ ռեժիմն ու անվտանգության հարցերը։
Փառատոնի ներկայացուցիչ Մելեք Օզմանը Bianet-ին հայտնել է, թե Ադրբեջանի հյուպատոսարանը նախ պաշտոնական նամակ է գրել Ֆրանսիական ինստիտուտին, որտեղ ընթանում է փառատոնը եւ խնդրել է չեղարկել ֆիլմի ցուցադրությունը։ «Ավելի ուշ նրանք դիմել են Ադրբեջանի ԱԳՆ, անգամ մեր նախարարին»,- ասել է Օզմանը։
Իրանահայ ռեժիսոր Անահիտ Աբադի «Եվա» ֆիլմը պատմում է մի կնոջ մասին, որը ամուսնու մահից հետո դստեր հետ փախչում է ամուսնու հարազատներից եւ թաքնվում Արցախի գյուղերից մեկում։