Տիկնիկային թատրոնի միջազգային օրը կամ խամաճիկագործների միջազգային օրը նշելու գաղափարը պատկանում է իրանցի արվեստագետ Ջիվաս Զոլֆահարիպոյին:
2000 թվականին Խամաճիկների թատրոնների ներկայացուցիչների միջազգային միության XVIII կոնգրեսը նշված առաջարկությունը քննարկման ներկայացրեց, բայց չնայած ակտիվ քննարկումներին՝ հարցն այդպես էլ լուծում չստացավ:
Միայն երկու տարի անց, UNIMA-ի միջազգային խորհրդում որոշվեց օրը նշելու ամսաթիվը, իսկ տիկնիկային կամ խամաճիկների թատրոնների օրը նշելու ավանդույթի հիմքը դրվեց 2003թ. մարտի 21-ին: Հենց այդ օրվանից են տիկնիկային թատրոնների մասնագետներն ու երկրպագուները նշում այդ տոնը:
Տոնը լայնորեն նշվում է աշխարհի մի շարք երկրներում՝ ոչ միայն մասնագետների, այլեւ այս արվեստի երկրպագուների կողմից: Ավանդույթի համաձայն՝ այդ օրը կազմակերպվում են ամենաանսովոր տիկնիկային ներկայացումները, ինչպես նաեւ այլ տոնական միջոցառումներ: