ԱՄՆ ֆինանսների նախարար Սթիվեն Մնուչինը հայտարարել է, որ մաքսատուրքերի ներմուծումը «պրոտեկցիոնիզմ չէ», այլ անարդար առեւտրային պրակտիկայից ԱՄՆ շահերի պաշտպանություն, հաղորդում է Reuters-ը:
Նրա խոսքով, նախագահ Դոնալդ Թրամփը չի վախենում առեւտրային պատերազմից, սակայն նրա սկիզբը վարչակազմի նպատակը չէր: «Մենք պետք է պատրաստ լինենք ԱՄՆ-ի շահերի շրջանակներում գործել, ազատ եւ արդար, փոխադարձ առեւտրը պաշտպանելու համար», - ասել է Մնուչինը` հավելելով, որ վտանգ կա, որ այլ երկրները «կարձագանքեն» իրենց մաքսատուրքերով: