Հայաստանի ԱԺ-ն շարունակում է իր աշխատանքները: Հիշեցնենք, որ այսօր նախատեսված է ՍԴ նախագահի պաշտոնում Հրայր Թովմասյանի նշանակման քվեարկությունը: Նա միակ թեկնածուն է, որին առաջադրել է ԱԺ նախագահ Արա Բաբլոյանը:
Ազգային ժողովի մարտի 20-ին գումարվող հերթական նիստերի օրակարգում ընդգրկված է 25 հարց, որոնց մի մասը երեկ քննարկվել է, իսկ այսօր տեղի է ունենում դրանց քվեարկությունը: Դրանց թվում է նաեւ «Ելք» խմբակցության կողմից առաջարկված «Մարտի 1»-ի իրադարձությունների վերաբերյալ ԱԺ հայտարարությունը, որին ԱԺ պետաիրավական հանձնաժողովը բացասական եզրակացություն է տվել:
Օրակարգում է նաեւ «Ելք» խմբակցության հարցապնդման պատասխանը քննարկելու մասին հարցը: Նշենք, որ խոսքը վերաբերում է «Գազպրոմ Արմենիա» ընկերության կողմից գնված ռուսական գազի ծավալներին, կորուստներին ու սակագներին: