Ճապոնական Toyota Motor ավտոընկերությունը մասնակիորեն դադարեցրել է ինքնավար մեքենաների փորձարկումները, որն իրականացվում էր ԱՄն–ում՝ Միչիգան եւ Քալիֆոռնիա նահանգների ճանապարհներին։ Kyodo գործակալության փոխանցմամբ, այս որոշումն ընդունվել է այն բանից հետո, երբ մարտի 18–ին Uber ընկերության ինքնավար մեքենան Արիզոնա նահանգում հարվածել է հետիոտնին եւ սպանել նրան։

Փորձարկումների դադարեցումը նպատակ ունի վերացնել այն սթրեսը, որ ունենում են ինքնավար մեքենաներում ապահովության համար գտնվող վարորդները։

Սակայն պետք է նշել, որ Toyota Motor–ը շարունակում է մշակել իր երկրորդ համակարգը, որը նախատեսված է արտակարգ իրավիճակներում ստանձնել մեքենայի կառավարումը։