News
Լրահոս
News
Երկուշաբթի
Հուլիս 16
Տեսնել լրահոսը

Իջեւանի զորամասերից մեկում 2016 թ. ապրիլի 25-ին մահացած զինծառայող Հովհ. Պետրոսյանին «բնորոշ չեն եղել այնպիսի հոգեբանական առանձնահատկություններ, որոնք կարող էին էապես ազդել նրա կողմից ենթադրյալ ինքնասպանություն կատարելու վրա». եզրակացրել է դատահոգեբանական փորձաքննություն իրականացրած փորձագետը:

Այս առնչությամբ, Հելսինկյան քաղաքացիական ասամբլեայի Վանաձորի գրասենյակի տարածած հաղորդագրության մեջ նաեւ ասվում է.

«Նշենք, որ Հովհ. Պետրոսյանին մահացած էին գտել իրեն ամրակցված մեքենայի թափքում: Քրեական գործ է հարուցվել ՀՀ Քրեական օրենսգրքի 110-րդ հոդվածի հատկանիշներով (ինքնասպանության հասցնելը):

Հովհ. Պետրոսյանի իրավահաջորդի շահերի պաշտպանությունն ստանձնել են Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցը եւ Կազմակերպության փաստաբաններ Արայիկ Զալյանն ու Անի Չատինյանը:

2017 թ. օգոստոսի 2-ից 2018 թ. հունվարի 16-ին իրականացված դատահոգեբանական փորձաքննության արդյունքներով՝ Հովհ. Պետրոսյանի բնավորությունն ու անհատական հոգեբանական առանձնահատկությունները չէին կարող ազդել ենթադրյալ ինքնասպանություն կատարելու վրա: Ըստ փորձագետի՝ դեպքի պահին եւս Հովհ. Պետրոսյանն այնպիսի հուզական վիճակում չի գտնվել, որի արդյունքում կարող էր ինքնասպանություն գործել:

Փորձագետը բացառել է նաեւ հրամանատար Վաչագան Հայրապետյանի եւ մյուս ծառայակիցների գործողությունների եւ Հովհ. Պետրոսյանի ենթադրյալ ինքնասպանություն գործելու հանգամանքի միջեւ պատճառահետեւանքային կապը:

Հիշեցնենք, որ վաշտի հրամանատար Վաչագան Հայրապետյանը մահացած զինծառայողի հոր հետ առերես հարցաքննությունից օրեր անց՝ 2016 թ. հոկտեմբերի 10-ին, ավտովթարից մահացել է: Վերջինս գործի համար կարեւոր նշանակություն ունեցող տեղեկությունների էր տիրապետում եւ իր ցուցմունքներում նշել էր դրանց մասին:

Դատահոգեբանական փորձաքննության եզրակացությամբ՝ փորձագետը միանշանակ չի գնահատել մասնագիտացմանը չհարմարվելու կամ դիտողության արժանանալու հանգամանքների՝ ինքնասպանության դրդելու հնարավորությունը. նրա խոսքով՝ «չկան այնպիսի հոգեվիճակներ, իրադրություններ, խնդիրներ եւ հանգամանքներ, որոնք միանշանակ հանգեցնում են ինքնասպանության»:

Տպել
Կարդացեք նաև
Ամբողջը
Հսկայական սառցաբեկորը սպառնում է գրենլանդական գյուղին
​«Դրանում ճաքեր եւ անցքեր կան: Մենք մտավախություն ունենք, որ այն կարող է կոտրվել յուրաքանչյուր պահի...
Ճապոնիայում ջրհեղեղից հասցված վնասը 389 մլն դոլար է կազմել
Առնվազն 216 մարդ է մահացել...
Վրաերթ Երեւանում. հետիոտնը չթույլատրված հատվածով է փողոցն անցել
Վարորդը տեղում սթափության փորձաքննության է ենթարկվել...
Շպիցբերգենում ուղեւորատար նավը բախվել է նավամատույցին
Arctic Explorer AS նորվեգական տուրիստական ընկերությանը պատկանող նավն օտարերկրյա զբոսաշրջիկների էր տեղափոխում...
Վեց հարբած ուղևորներ թռիչքից առաջ ինքնաթիռից դուրս են հրավիրվել ոչ ադեկվատ պահվածքի համար
Նախանական տվյալներով, ուղեւորները դեպի Մոսկվա թռիչքից առաջ օդանավակայանի սրճարանում սպիրտային խմիչքը չարաշահել են․․․
Իրաքում զանգվածային ցույցերը զոհերի են հանգեցրել
Էն Նաջաֆում կառավարությունը պարետային ժամ է մտցրել․․․
Ամենաշատ
Partner news