Facebook ընկերության բաժնետերերը դատի են տվել սոցիալական ցանցին Cambridge Analytica ընկերությանը օգտատերերի տվյալների փոխանցման շուրջ ստեղծված իրավիճակի պատճառով, գրում է Business Insider–ը։
Պարբերականի տվյալներով, դատական հայցը ներկայացվել է Քալիֆոռնիայի դաշնային դատարան, այնտեղ նշված է, որ ընկերությունը ծանոթ է եղել իրավիճակին, սակայն խնդիրը գաղտնի է պահել հասարակությունից եւ ներդրողներից։
Ավելի վաղ New York Times պարբերականը հայտնել էր, որ Թրամփի քարոզարշավի համար Cambridge Analytica-ն հասանելիություն էր ստացել 50 միլիոն օգտատերերի տեղեկատվությանը:
