Բրիտանիայի արտաքին գործերի նախարար Բորիս Ջոնսոնը հայտարարել է, որ Ռուսաստանում կայանալիք ֆուտբոլի աշխարհի գավաթն իրեն հիշեցնում է 1936 թվականի հիտլերյան Գերմանիայի Օլիմպիական խաղերը, հաղորդում է Guardian-ը:
Խորհրդարանում ելույթ ունենալով՝ Ջոնսոնը համաձայնել է լեյբորիստ Յան Օսթինի մեկնաբանությունների հետ, որն ասել է, որ նրան սարսափեցնում է այն միտքը, որ ՌԴ նախագահ Վլադիմիր Պուտինը փիարի համար է օգտագործում ֆուտբոլի աշխարհի առաջնությունը ինչպես Հիտլերը 1936 թվականին օգտագործել է Օլիմպիական խաղերը:
«Կարծում եմ ֆուտբոլի աշխարհի գավաթի համեմատությունը 1936 թվականի հետ լիովին ճիշտ է: Անկեղծ ասած՝ սրտխառնոց է առաջացնում այն միտքը, որ Պուտինը սպորտային իրադարձությունը սեփական փառքի համար է օգտագործում», - ասել է նա:
