ԱՄՆ-ի Microsoft ընկերության կողմից գործարկված նեյրոնային ցանցը կարողացել է հաջողությամբ անցնել Թյուրինգի թեստը: Ծրագիրը կարողացել է տեքստը չինարենից անգլերեն այնպես թարգմանել, կարծես այդ հատվածը թարգմանվել է ոչ թե արհեստական ինտելեկտի, այլ մարդու կողմից, գրում է wek.ru-ն
Microsoft-ի նեյրոնային ցանցը հաջողությամբ կարողացել է թարգմանել տեքստը չինարենից, ընդ որում, տեքստի երկարությունը ավելի քան 2000 նախադասություն էր: Հետագայում մասնագետները, ովքեր ազատ տիրապետում են երկու լեզուներին, ստացված արդյունքը համեմատել են նախկինում պրոֆեսիոնալ թարգմանչի կողմից թարգմանված տեքստի հետ: Այդպիսով պարզ է դարձել, որ նեյրոնային ցանցը կարողացել է աշխատանքը կատարել ամենաբարձր մակարդակով, քանի որ գրեթե անհնար է այն մարդու թարգմանածից տարբերել: