Առաջիկա տասնամյակում ծովերում եւ օվկիանոսներում պլաստիկի քանակը կարող է եռապատկվել, եթե վճռական միջոցներ չձեռնարկեն: Այս մասին նշվում է բրիտանական կառավարության պատվերով կատարված Foresight ընկերության զեկույցում, հաղորդում է BBC-ն:
Պլաստիկ աղբը համաշխարհային օվկիանոսին սպառնացող խնդիրներից մեկն է՝ ծովի մակարդակի բարձրացման, ջրի ջերմաստիճանի եւ ջրի աղտոտման հետ:
Միեւնույն ժամանակ, Մեծ Բրիտանիայի կառավարության պատվերով պատրաստված «Համաշխարհային օվկիանոսի ապագան» զեկույցում խոսվում է «օվկիանոսային տնտեսությունից» շահույթ ստանալու հնարավորությունների մասին:
Ըստ կանխատեսումների՝ այս ոլորտում եկամուտները կկրկնապատկվեն եւ 2030 թվականին կհասնեն 2 տրիլիոն ֆունտի: