Tesla ընկերության բաժնետերերը հավանություն են տվել գլխավոր տնօրեն Իլոն Մասկի համար 10-ամյա փոխհատուցման փաթեթին, որը նրան զրկում է ֆիքսված աշխատավարձից, հայտնում է CNBC հեռուստաալիքը:
Փաստաթղթի համաձայն՝ Մասկը հետագայում կզրկվի երաշխավորված հաստիքային վճարումից եւ փոխհատուցում կստանա ընկերության արժեթղթերի տեսքով՝ կախված նրա կապիտալիզացիայի աճից:
Առաջիկա 10 տարիներին Tesla-ի հիմնադրին նյութական փոխհատուցում կվճարվի նրա սեփականությանը փոխանցելով ընկերության արժեթղթերը: Դա տեղի կունենա 12 տրանշի իրականացման ճանապարհով, որոնցից յուրաքանչյուրը հավասար կլինի ընկերության արժեթղթերի ընթացիկ թվի 1 տոկոսին:
Ըստ որում՝ Մասկն առաջին տրանշը կստանա միայն այն բանից հետո, երբ ընկերության կապիտալիզացիան անցնի 100 մլրդ դոլարից: