News
Լրահոս
News
Երեքշաբթի
Դեկտեմբեր 11
Տեսնել լրահոսը


Երեւանի ընդհանուր իրավասության դատարանի Շենգավիթի նստավայրում այսօր՝ մարտի 22-ին, կաշառք վերցնելու մեջ մեղադրվող Շենգավիթի նախկին դատավոր Իշխան Բարսեղյանը 2-րդ անգամ դատավոր Վաչե Մարգարյանին ինքնաբացարկի միջնորդություն ներկայացրեց։

Դատավոր Վաչե Մարգարյանը սկզբում չէր թույլատրում, սակայն պաշտպան Վարդուհի Էլբակյանի հայտարարությունից հետո թույլատրեց։ Դատավորը միջնորդությունը ներկայացնելիս ընդհատեց Իշխան Բարսեղյանին եւ հայտարարեց, որ նույն բովանդակությամբ միջնորդություններ էլի են ներկայացվել։

Իշխան Բարսեղյանը նորից բորբոքվեց եւ հայտարարեց, որ դատարանի գործողություններն «ապօրինի» են։

«Հարգելի դատարան թույլ տվեք իմ իրավունքից օգտվեմ, ես ինքնաբացարկի միջնորդություն եմ ներկայացնում այլ հիմքով։ Հարգելի Մարգարյան հորդոորում եմ ձեզ, խնդրում եմ, ի վերջո 20 տարի ես այդ աթոռին եմ նստել ձեր կոլեգան եմ, հարգեք ինձ։ Ոնց որ «Միմինո» կինոն լինի, որ ասում է՝ մամա ջան, էս ուր եմ ես ընկել։ Ապօրինություն մի արեք, խնդրում եմ ձեզ, հարեգելի Մարգարյան, դու հասկանում ես՝ ինչ ես անում, իմ ու իմ երեխաների ճակատագրի հետ ես խաղում»,- վրդովված ասաց Իշխան Բարսեղյանը։

Դատավոր Վաչե Մարգարյանը Իշխան Բարսեղյանին հորդորեց նստել եւ նրա նկատմամբ դատական սանկցիա կիրառեց՝ դատարանի նկատմամբ անհարգալից վերաբերմունք դրսեւորելու համար։

Նշենք, որ դատաքննության ընթացքում Իշխան Բարսեղյանը բազմիցս դատավոր Վաչե Մարգարյանին ինքնաբացարկի միջնորդություն է ներկայացրել, որոնք մերժվել են։

Նշենք, որ այսօր Իշխան Բարսեղյանի ինքնազգացողությունը դատարանի դահլիճում վատացավ եւ նրա համար շտապօգնություն հրավիրեցին։

Իշխան Բարսեղյանին մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 3-րդ կետով՝ կաշառք ստանալը: Կաշառքի միջնորդություն կատարելու համար փաստաբան Էլզա Զաքարյանին էլ մեղադրանք է առաջադրվել ՀՀ քրեական օրենսգրքի 313-րդ հոդվածի 1-ին մասով՝ Կաշառքի միջնորդությունը: Իշխան Բարսեղյանի նկատմամբ որպես խափանման միջոց ընտրվել է կալանավորումը:Նշենք, որ ըստ ԱԱԾ տարածած հաղորդագրության՝ քաղաքացիական գործով կողմի օգտին որոշում կայացնելու համար դատավորը պահանջել եւ Երեւանի հետիոտնային գետնանցումներից մեկում անձամբ ստացել է 1000 ԱՄՆ դոլար գումար, որի փոխանցումն իրականացվել է Ազգային անվտանգության ծառայության աշխատակիցների օպերատիվ վերահսկողության ներքո:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մեկ օրում բացահայտվել է 40 հանցագործություն. Անձի առեւանգումը, ծեծ, շորթում
Օպերատիվ իրավիճակը հանրապետությունում` դեկտեմբերի 10-ից 11-ը…
Դատարանը քննում է Վաչագան Ղազարյանի կալանքի ժամկետը երկարացնելու հարցը
Հատուկ քննչական ծառայությունում քննվող քրեական գործի շրջանակներում Վաչագան Ղազարյանին մեղադրանք էր առաջադրվել հունիս 27-ին...
Դատարանը հեռացավ խորհրդակցական սենյակ՝ Նորատուսցի Ալիկի եւ մյուսների գործով դատավճիռ կայացնելու
Նշենք, որ հոկտեմբերի 9–ին մեղադրող դատախազ Գեւորգ Գեւորգյանը միջնորդել էր մեղավոր ճանաչել այս գործով ամբաստանյալ Ալիկ Բանդուրյանին՝ Նորատուսցի Ալիկին եւ նրան դատապարտել 8 տարվա ազատազրկման...
3 մարդու կյանք խլած հրդեհից հետո համայնքը կդիմի իշխանություններին. հույս ունեն ազատվել փայտաշեն տներից
Այստեղ արդեն 30 տարի է՝ փայտաշեն տներում ապրում է 296 ընտանիք...
Բաքվում ռեստորանի արտ-տնօրենը 5-րդ հարկից նետել է կնոջը
Պարզվել է, որ թմրանյութերի ընդունումից հետո նրա մոտ հոգեկան խնդիրներ են առաջացել...
4 քաղաքացու դանակահարած կասկածյալը հայտնաբերվել է
Ձեռնարկված օպերատիվ-հետախուզական եւ քննչական համալիր միջոցառումների շնորհիվ պարզվել է, որ դեկտեմբերի 9-ին ժամը 21-ի սահմաններում…
Ամենաշատ
Partner news