Ֆիլիպիններում ոստիկանության արշավի ժամանակ սպանվել են թմրանյութերի առեւտրի մեջ կասկածվող 13 մարդ, ավելի քան 100 մարդ էլ կալանավորվել է, գրում է AFP–ն։
Կասկածյալները սպանվել են 8 քաղաքներում իրականացված ոստիկանության արշավի ժամանակ։ Ձերբակալվել է 109 մարդ, նրանց թվում են ինչպես թմրադիլերներ, այնպես էլ թմրամոլներ։
Ֆիլիպինների նախագահ Ռոդրիգո Դուտերտեն 2016 թվականին «պատերազմ» էր հայտարարել թմրանյութերի առեւտրով զբաղվողներին։ Ոստիկանության արշավների ժամանակ սպանվել են ավելի քան 4000 եւ ձերբակալվել ավելի քան 131 հազար մարդ։