Մեծ Բրիտանիայի առաջատար գիտնականները հաստատել են, որ քիմիական նյութը, որով թունավորել են նախկին ռուսական լրտես Սերգեյ Սկրիպալին եւ նրա դստերը, եղել է «Նովիչոկ» մարտական տեսակի նյարդային թույների խմբի կազմում: Այս մասին Բրյուսելում ԵՄ ղեկավարների գագաթաժողովի շրջանակներում Ֆրանսիայի նախագահ Էմանուել Մակրոնի եւ Գերմանիայի կանցլեր Անգելա Մերկելի հետ հանդիպման ժամանակ հայտարարել է Մեծ Բրիտանիայի վարչապետ Թերեզա Մեյը:
Նա նաեւ հայտարարել է, որ քիմիական նյութը ստեղծվել է Ռուսաստանի կողմից, որը այն կիրառում է «պետական սպանությունների» եւ որոշ դավաճանների «դիտարկում է որպես օրինական թիրախ` սպանության համար»:
«Մեծ Բրիտանիան, Գերմանիան եւ Ֆրանսիան հաստատել են, որ չկա այլ ճշգրիտ բացատրություն, քան այն, որ Ռուսաստանը պատասխանատու է (այս դեպքի համար)»: Երեք երկրների ղեկավարները Ռուսաստանի գործողությունների արձագանքին համաձայնել են Եվրոպայից ուժեղ ուղերձի հղման կարեւորության մասին եւ պայմանավորվել են մոտակա օրերին սերտ կապեր պահպանել: