Թուրքիայի կենտրոնական մասում վթարված թուրքական օդուժի F-16 կործանիչի օդաչուն մահացել է, հաղորդում է «ՌԻԱ Նովոստին»` վկայակոչելով թուրքական զինված ուժերի գլխավոր շտաբին:
«Վթարից հետո անմիջապես սկսվել են որոնողական եւ փրկարարական գործողություններ, որոնց ընթացքում հայտնաբերվել են ինքնաթիռի բեկորները եւ օդաչուի մարմինը», - ասվում է Գլխավոր շտաբի կայքում:
Ավելի վաղ հաղորդվել էր, որ F-16 կործանիչը Նեւշեհիր նահանգում ուսումնական թռիչքի ժամանակ վթարի է ենթարկվել: