Պետությանը պատկանող զգալի չափերով գույքի վատնում կատարելու մեջ մեղադրվող՝ Արտաշատի թիվ 5 հիմնական դպրոցի տնօրեն Ռուզան Հայրապետյանը դատապարտվեց պայմանական ազատազրկման:
Ըստ մեղադրանքի՝ 16 տարի տնօրեն աշխատած Ռուզան Հայրապետյանը մի խումբ աշխատակիցների՝ աշխատանքի չներկայանալու պայմաններում ստորագրել եւ կնիքել է դպրոցի աշխատակիցների կողմից աշխատանքի ներկայանալու վերաբերյալ տաբելները, որում նշվել է, որ նրանք ներկայացել են աշխատանքի, իսկ տեղեկանքների հիման վրա պետության կողմից դպրոցից հատկացված բյուջեից վերջիններիս աշխատավարձ է տրվել: Բացի դրանից, տնօրենն իր հարսի՝ ՀՀ-ից բացակայելու պայմաններում վերջինիս հետ 2014թ. սեպտեմբերի 1-ին կնքել է պաշտոնական փաստաթուղթ հանդիսացող աշխատանքային պայմանագրի ակնհայտ կեղծ հավելված, կատարելով պաշտոնեական կեղծիք:
Արարատի եւ Վայոց ձորի մարզերի ընդհանուր իրավասության դատարանը Ռուզան Հայրապետյանին մեղավոր է ճանաչել եւ դատապարտել 3.5 տարվա ազատազրկման՝ 2 տարի զրկելով որոշակի պաշտոններ զբաղեցնելու իրավունքից: Դատարանը, սակայն, որոշում է կայացրել պատիժը պայմանականորեն չկիրառելու մասին: