Ոստիկանությունը սպանել է հանցագործին, որն ավելի վաղ պատանդներ էր վերցրել Ֆրանսիայի Տրեբ կոմունայում, հաղորդում է Le Figaro–ն։
Հայտնի է, որ 25-ամյա մարոկկացին հայտարարել է «Իսլամական պետությանը» հարելու մասին։ Ահաբեկչական գործողության արդյունքում զոհվել են երեք մարդ, բացի պատանդառուից։
Հիշեցնենք, որ միջադեպը տեղի է ունեցել Օդ դեպարտամենտում։
Տրեբի քաղաքապետ Էրիկ Մենասիի փոխանցմամբ, զոհվածներից մեկը մսագործ է եղել։ Քաղաքապետը գործողությունները ահաբեկչություն է անվանել։
Ականատեսներից մեկը հայտարարել է, որ լսել է, թե ինչպես է անծանոթը «Ալլահ աքբար» բղավել։ Նա հայտարարել, որ հարում է «Իսլամական պետությանը»,
Նշվում է նաեւ, որ նույն այդ ժամանակ Ֆրանսիայի Կարկասոն կոմունայում անհայտ անձը կրակ է բացել հատուկ նշանակության ջոկատի ուղղությամբ, որի արդյունքում տուժել է իրավապահ մարմինների մեկ աշխատակից։ Դեռ հայտնի չէ՝ արդյոք կապված են երկու միջադեպերը, թե ոչ։