ԵՄ անդամ պետությունների եւ կառավարությունների ղեկավարները Բրյուսելում կայացած գագաթաժողովին համաձայնեցրել են բրեքսիթի հետագա փուլերի քայլերը: Գագաթաժողովի մասնակիցները համաձայնել են հետագայում Մեծ Բրիտանիային առաջարկել ազատ առեւտրի մասին համապարփակ համաձայնագիրը, փոխանցում է DW-ն: Սակայն դա տեղի կունենա արդեն 2019 թվականին Լոնդոնի՝ ԵՄ-ի կազմից դուրս գալուց հետո: Այնուհետեւ մինչեւ 2020 թվականը կհետեւի մոտ երկու տարի տեւող անցումային շրջանը: Այս ընթացքում Լոնդոնի եւ Բրյուսելի միջեւ հարաբերություններում ոչինչ չի փոխվի: Առաջիկայում ԵՄ-ն նախատեսում է քննարկել Բրիտանիայի հետ հարաբերությունները՝ 2021 թվականից սկսած: