ՌԴ-ում ԵՄ դեսպան Մարկուս Էդերերը կարող է մոտ մեկ ամսով հետ կանչվել Բրյուսելում կայանալիք խորհրդակցությունների համար, հաղորդում է «ՌԻԱ Նովոստի»-ն՝ վկայակոչելով ԵՄ-ի՝ հարցին ծանոթ աղբյուրը:
«Որոշումը պետք է կայացնի ԵՄ արտաքին քաղաքականության գերատեսչությունը: Չեմ կարծում, որ արդեն հստակ ժամկետներ կան, սակայն խոսքը, ամենայն հավանականությամբ, մեկ ամսվա մասին է»,- նշել է աղբյուրը:
Եվրախորհրդի եզրափակիչ հայտարարության մեջ նշվում է, որ ԵՄ ղեկավարները համաձայն են Ռուսաստանի Դաշնության բավականին հավանական պատասխանատվության եւ այլ ճշմարտանման բացատրության բացակայության վերաբերյալ Մեծ Բրիտանիայի կառավարության գնահատականի հետ: Այս առումով գագաթնաժողովի մասնակիցները պայմանավորվել են համակարգվել Ռուսաստանի իշխանությունների կողմից տրամադրած պատասխանների լույսի ներքո հետեւանքների գործում: Միեւնույն ժամանակ, առաջնորդները համաձայնել են խորհրդակցությունների նպատակով հետ կանչել Մոսկվայում ԵՄ դեսպան Մարկ Էդերերին: